អ៊ុយក្រែន៖ យ៉ាងហោចណាស់មានការផ្ទុះដ៏ធំចំនួនពីរបានវាយប្រហារអង់ទែនទូរទស្សន៍ Kiev កាលពីថ្ងៃអង្គារ។ ក្រសួងមហាផ្ទៃអ៊ុយក្រែនបានបញ្ជាក់ថា ការបំផ្ទុះបានរំខានដល់ការងាររបស់ប៉ុស្តិ៍ទូរទស្សន៍ជាច្រើន។

ភ្នាក់ងារសង្គ្រោះបន្ទាន់របស់ប្រទេសនេះបាននិយាយថា មនុស្ស ៥នាក់បានស្លាប់ និង៥នាក់ទៀតបានរងរបួស។ មុននេះ រដ្ឋមន្ត្រីក្រសួងវប្បធម៌អ៊ុយក្រែនបាននិយាយថា គ្មានបុគ្គលិកទូរទស្សន៍ណាម្នាក់រងរបួស ឬស្លាប់នៅក្នុងការបំផ្ទុះនោះទេ។

ភ្លាមៗគេមិនទាន់ច្បាស់នៅឡើយទេថាអ្នកបាញ់គឺជារុស្ស៊ី ទោះបីយ៉ាងណាក៏ដោយយោធារុស្ស៊ីធ្លាប់បាននិយាយថា ខ្លួននឹងវាយប្រហារគោលដៅសំខាន់ៗជាយុទ្ធសាស្ត្រ ដែលត្រូវបានប្រើប្រាស់ដោយយោធា និងចារកម្មរបស់ប្រទេសអ៊ុយក្រែន ៕